بعد برشة تردد و حيرة قررت بش نحل بلوغ نحكي فيه علي قاعد يصير ليوم في تونس من منظور شاب و طالب تونسي ما يدعي من المعرفة و العلم حتى شي أما يحب يعبر و يشارك برأيه أكاهو من خلال بلوغ يفتق و يترشق فيه روحو كيما يحب و يشتهى و إلي شجعني على هال فكرة هو نداء حل بلوغ و صاحبي يوسف علحيط و خاصة الاحداث و التصعيدات الأخيرة إلي وقعت في سيدي بوزيد و انتقلت لبرشة مناطق أخرى في بداية العام جديد . برشة مشاكل كيما البطالة ، الفقر ،التعتيم الاعلامي(صحافة بو دورو ) ،نظام بوليسي( سياسة سكر فمك ) و طموحات شباب دخلة في حيط... هذوما الكل حب نعطي رئي فيهم بكل حرية و برجولية من خير هزان قفة و لا تبندير وسط مجتمع يهوى مثل حكيمة كيما اخطا رأسي و أظرب وامشي بجنب الحيط .
من غير مانطول بلوغ اسمو مستوحى من فيلم fight club و وصف لوضع السياسة التونسية القزوردية في تعطيها مع حركة الاحتجاج الجماهيري في ضل عهد التغيير و السياسة الرشيدة و الحكيمة لبلادنا.
يا أهلا وسهلا ومرحبا ! زارتنا البركة بابا الزين :)
RépondreSupprimerبلوغ يفتق و يترشق فيه روحو كيما يحب و يشتهى ???
RépondreSupprimerيا خويا رد بالك مالتعبير هذي ... تنجم يتهموك بالظلامية في بلاد برهان و الصغير
:D
المهم مرحبا بيك في عالم المغظوب عليهم ... بالتوفيق
;)
merci amigos thana ;)
RépondreSupprimer