lundi 10 janvier 2011

سؤال لرئيس البلاد؟


انتحارات، مظاهرات،اعتقالات،تتفيه إعلامي،،تعنيف،تكسير ، تخريب،احتجاجات، قتلى،جرحى،مواجهات،اشتباكات،اعتصمات،خطابات،حرب صحافية،توعدات، بوليسية في كل تاركينة و جيش في البلاد و..........
و السؤال ألي على بال كل واحد هو وين ماشين ؟
يا رئيس البلاد نحب نسئلك ألوين مازلت طالع في خطابات و قررات و تعديلات ما تزيد كان تهيج العباد؟ علاه في دولة القانون و المؤسسات الشعب ما عندوش lلحق في التعبير الحر و التظاهر السلمي ؟ علاه الشباب و الطلبة و المحامون و العاملون و غيرهم كي يجيو يتكلموا تواجهم بالمتراك و غاز و الرصاص البلاستيكي و الحي ؟ علاه تحكينا عالمكاسب و نحنا غارقين في الرشوة و الفساد؟ علاه نحنا دولة الشعارات و الكلام و الفعل يجيبوا ربي؟علاه نحنا دولة بوليسية تراه في الاختلاف و حقوق الانسان خيانة و تضليل و إرهاب؟ علاه ما فماش تعددية في المنظمات و الأحزاب؟ علاه ما تحنيش 404 ؟ علاه فلوس شعب في بنوك البرة و نحنا لنا ملقيناش ؟ علاه طرابلسية و ماطرية عندهم فلوسنا و نحنا ما عناش؟و علاه اليوم ترمينا في العظم ياخي نحنا عندك كلاب؟ علاه برحمة بوك علاه...؟
23 سنة طويلة....سيبنا عاد.. رنا هجنا و طرتنا و كل ما تزيد تكبس نزيدو معاك .. و مازال مازال.

2 commentaires:

  1. اسألوا بربي بهلول ولا يستبهل في العباد ؟

    RépondreSupprimer
  2. ربنا معكم و ينصركم يا شعب تونس

    و مش هتلاقي أجابة من بن علي ولا أي حاكم عربي

    عاشت مصر عاشت تونس عاشت الجزئر عاش العالم العربي

    الحر

    RépondreSupprimer